జులైలో విడుదల కాబోయే టాలీవుడ్ సినిమాలు ఇవే.. ఒకేసారి ఇన్ని సినిమాలా?

ఒక సినిమా విడుదలైన అంటే చాలు ఆ సినిమా కోసం ప్రేక్షకులు ఎదురు చూసే చూపులు అంతా ఇంతా కాదు.ఒక సినిమా మరో రెండు వారాల్లో విడుదల అవుతుంది అంటే ఇప్పటి నుండే ప్రేక్షకులు ఆ సినిమా కోసం తెగ ప్లాన్స్ చేస్తూ ఉంటారు.

ముఖ్యంగా ఒకే వారంలో రెండు మూడు సినిమాలు విడుదలైన అంటే చాలు ఏ సినిమాకు వెళ్లాలో అర్థంకాక తల పట్టుకుంటారు.

అదే ఒక నెలలో గ్యాప్ తో సినిమాలు విడుదల అవుతుంది అంటే.

ఆ నెల మొత్తం సిని ప్రియులకు పండగ అనే చెప్పాలి.ముఖ్యంగా తమ అభిమాన హీరోల సినిమాలు వరుసగా ఉంటే మాత్రం ఆ ఆనందం మాటల్లో చెప్పాల్సిన అవసరం లేదు.

ఇప్పుడు అలాంటి ఆనందమే వచ్చే నెలలో వస్తుంది.వచ్చేనెల జులైలో వరుసగా చాలా సినిమాలు విడుదలవుతున్నాయి.

అది కూడా తెలుగులోనే పలువురు స్టార్ హీరోల సినిమాలే విడుదల అవుతున్నాయి.ఇంతకు ఆ సినిమాలు ఏంటో ఇప్పుడు తెలుసుకుందాం.

పక్కా కమర్షియల్:

టాలీవుడ్ ఇండస్ట్రీకి చెందిన హీరో గోపీచంద్ ప్రస్తుతం మారుతి దర్శకత్వంలో ‘పక్కా కమర్షియల్’ సినిమాల్లో నటించిన సంగతి తెలిసిందే.ఇక ఈ సినిమా విడుదలకు సిద్ధంగా ఉండగా.జులై 1న ప్రేక్షకుల ముందుకు రానుంది.

టెన్త్ క్లాస్ డైరీస్:

శ్రీరామ్, అవికా గోర్ నటీనటులుగా నటించిన సినిమా టెన్త్ క్లాస్ డైరీస్. రొమాంటిక్, డ్రామా నేపథ్యంలో తెరకెక్కుతున్న ఈ సినిమాకు అంజి దర్శకత్వం వహించాడు.ఈ సినిమా కూడా జూలై 1న విడుదల కానుంది.

రాకెట్రీ:

స్వీయ దర్శకత్వంలో మాధవన్ నటించిన సినిమా రాకెట్రీ.ఇందులో సిమ్రాన్ కీలక పాత్రలో నటించింది.ఇక ఈ సినిమా కూడా పలు భాషల తో జూలై 1న ప్రేక్షకుల ముందుకు రానుంది.

ది వారియర్:

తెలుగు సినీ ఇండస్ట్రీకి చెందిన రామ్ ది వారియర్ సినిమాలో నటిస్తున్న సంగతి తెలిసిందే.ఈ సినిమాకు స్టార్ డైరెక్టర్ లింగుస్వామి దర్శకత్వం వహించాడు.ఈ సినిమా త్వరలో విడుదలకు సిద్ధంగా ఉండగా జులై 14న ప్రేక్షకుల ముందుకు రానుంది.

హ్యాపీ బర్త్డే:

టాలీవుడ్ ఇండస్ట్రీకి చెందిన ముద్దుగుమ్మ లావణ్య త్రిపాఠి ప్రస్తుతం డైరెక్టర్ రితేష్ రానా దర్శకత్వంలో హ్యాపీ బర్త్డే సినిమాలో నటించగా ఈ సినిమా కూడా విడుదలకు సిద్ధంగా ఉంది.ఇక ఈ సినిమా జులై 15న ప్రేక్షకుల ముందుకు రానుంది.

గుర్తుందా శీతాకాలం:

నాగ‌శేఖ‌ర్ దర్శకత్వం లో రూపొందుతున్న సినిమా గుర్తుందా శీతాకాలం. ఇందులో స‌త్యదేవ్, తమన్నా హీరో హీరోయిన్ గా నటించిన ఈ సినిమా కూడా జులై 15న విడుదల కానుంది.

థాంక్యూ:

విక్రమ్ కుమార్ దర్శకత్వంలో రూపొందిన సినిమా థాంక్యూ. ఇందులో నాగచైతన్య కీలక పాత్రలో నటించగా ఈ సినిమా కూడా జులై 22 న ప్రేక్షకుల ముందుకు రానుంది.

కార్తికేయ 2:

చందూ దర్శకత్వంలో రూపొందిన సినిమా కార్తికేయ.ఇందులో నిఖిల్, అనుపమ పరమేశ్వరన్ నటీనటులుగా నటించారు.

ఇక ఈ సినిమా జులై 22న విడుదల కానుంది.ఇక వీటితో పాటు షంష , రామారావు ఆన్ డ్యూటీ వంటి పలు సినిమాలు కూడా విడుదల కానున్నాయి.